Кванг Янг Чой атындагы стипендия айкындуулук жана объективдүүлүк принциптерине ылайык ыйгарылат. Банк талапкерлерди тандоо боюнча акыркы чечим кабыл алууга артыкчылыктуу укукту өзүнө калтырат. Комиссиянын чечими акыркы болуп саналат жана кайра кароого же талкуулоого жатпайт.
Маалымдама
Кванг Янг Чой – көрүнүктүү финансист, 2001-жылдан 2019-жылга чейин KICB Башкармасынын Төрагасы. Кванг Янг Чой мырза мыкты финансист гана эмес, кесипкөй банкирлердин бир нече муунун тарбиялаган шыктандыруучу лидер болгон. KICB банкын дээрлик 20 жыл жетектеп, өзүнүн билими жана зор тажрыйбасы менен KICB банкын Кыргызстандын финансы рыногундагы алдыңкы оюнчулардын бири, туруктуулуктун, ишенимдүүлүктүн жана инновациялардын символу кыла алган. Сеулдагы (Корея) Соган Университетинин Коммерциялык колледжин аяктап, банктык карьерасын Korea Exchange Bank (KEB) банкында баштаган жана ал жерде дээрлик 20 жыл, анын ичинде АКШдагы жана Англиядагы кеңселеринде иштеген.