Телефон аркылуу шылуундук учурларынын көбөйүшү
Урматтуу кардарлар, телефон аркылуу алдамчылык учурларынын көбөйүп жаткандыгы тууралуу эскертебиз. Шылуундар төмөнкү схеманы колдонушат:
1. Байланыш түзүү этабы:
Шылуундар жабырлануучуга телефон аркылуу байланышып, өздөрүн мобилдик оператордун кызматкерлери катары тааныштырышат. Алар SIM-картанын мөөнөтү бүткөнүн айтып, келишимди шашылыш түрдө узартуу керектигин билдиришет. SIM-картанын мөөнөтүн узартууну «тастыктоо» үчүн SMS аркылуу келген OTP-кодду айтууну суранышат.
2. Кирүү мүмкүнчүлүгүн алуу этабы:
Код берилгенден кийин шылуундар жабырлануучунун мобилдик номерине жана банктык тиркемесине кирүү мүмкүнчүлүгүн алышат. Бир нече сааттан кийин кайра байланышып, жабырлануучуга анын атына «кредит алынган» деген жалган маалымат берип, стресс абалын жаратышат.
3. Басым жана манипуляция этабы:
Шылуундар өздөрүн банктын коопсуздук кызматкерлери катары көрсөтүп, кардардын эсептерине каршы алдамчылык аракеттер жүрүп жатканын билдиришет. Алар «каражаттарды сактоо» үчүн акчаны «коопсуз эсепке» которууну сунушташат. Натыйжада жабырлануучу каражаттарын шылуундар көзөмөлдөгөн эсептерге которот. Ошондой эле, алар банкка кайрылбоону өтүнүшөт, «тергөөнү үзгүлтүккө учуратпоо» шылтоосу менен.
4. Акыркы этап:
Акча алынгандан кийин шылуундар байланыштарын токтотушат. Сиздерди сак болууга чакырабыз:
бейтааныш адамдарга акча которбоңуздар, SMS аркылуу келген OTP-кодду, картаңыздын маалыматтарын жана мобилдик тиркемеге кирүү мүмкүнчүлүктөрүн эч кимге бербеңиздер.