KICB IFCнин соода каржылоо боюнча глобалдык программасына кошулду
Бишкек, Кыргыз Республикасы, 2026-жылдын 23 апрели — Кыргыз инвестициялык-кредиттик банкы (KICB) IFCнин Соода каржылоо боюнча глобалдык программасына (GTFP) эмитент-банк катары кошулду. Бул өнөктөштүк эки уюмдун көп жылдык ийгиликтүү кызматташуу тажрыйбасына негизделип, өлкөдө соода каржылоосуна жеткиликтүүлүктү кеңейтүүгө багытталган.
GTFP программасына катышуу KICBге жергиликтүү ишканаларга эл аралык рыноктордо экспорттук-импорттук операцияларды жүргүзүү үчүн көбүрөөк мүмкүнчүлүктөрдү түзүп берет. Программанын алкагында IFC тастыктоочу банктарга жарым-жартылай же толук кепилдиктерди берип, KICB тарабынан чыгарылган соода инструменттери боюнча төлөм тобокелдиктерин өзүнө алат.
Мындай кызматташтык банктын кардарларын, анын ичинде чакан жана орто бизнести, олуттуу колдойт деп күтүлүүдө. KICBнин кошулуусу Кыргыз Республикасында GTFP тармагын кеңейтип, жергиликтүү компаниялардын глобалдык соода чынжырларына интеграцияланышына көмөк көрсөтөт жана импорттоочулар менен экспорттоочулар үчүн финансылык инструменттердин жеткиликтүүлүгүн жогорулатат.
GTFP — IFCнин соода каржылоо тармагындагы флагмандык программасы. Ал 20 жылдан ашык убакыт мурун ишке киргизилгенден бери, программанын алкагында жалпы суммасы 130 миллиард АКШ долларына барабар кепилдиктер берилген. GTFP өнүгүп жаткан рыноктордо финансылык инструменттерге жеткиликтүүлүктү кеңейтүүгө көмөктөшөт.
«Кыргыз инвестициялык-кредиттик банкы» ЖАК (KICB) 2001-жылы негизделген. Уставдык капиталы — 23 миллион АКШ доллары. Бүгүнкү күндө банк Кыргызстан боюнча 59 бөлүмгө ээ. KICB корпоративдик кардарларга, чакан жана орто бизнеске , микрофинансылык уюмдарга, ошондой эле жеке кардарларга финансылык кызматтарды көрсөтөт. Кыргызстанда Citibank (АКШ) жана Emirates NBD менен өнөктөш болгон алгачкы банк. www.kicb.net. КРУБ лицензиясы №046.
IFC жөнүндө
IFC — World Bank Group курамына кирген, өнүгүп келе жаткан рыноктордогу жеке сектор менен иштөөгө адистешкен дүйнөдөгү эң ири өнүктүрүү институту. IFC 100дөн ашуун өлкөдө иш алып барып, өз капиталын, эксперттик билимибизди жана таасирибизди колдонуу аркылуу өнүгүп жаткан өлкөлөрдө рынокторду жана мүмкүнчүлүктөрдү түзөбүз.
2025-финансылык жылында IFC өнүгүп жаткан өлкөлөрдөгү жеке компанияларга жана каржы институттарына рекорддук көлөмдө — 71,7 миллиард АКШ долларын бөлдү. Бул жеке сектор сунуштаган чечимдерди натыйжалуу пайдалануу жана жеке капиталды тартуу аркылуу жакырчылыктан эркин, жашоого ыңгайлуу дүйнөнү куруу максатын көздөйт.