1 2025
Кыргызстан Кызыл Жарым Ай Коому жана KICB Каракол шаарындагы мектеп-интернатта ремонт жүргүздү
Кыргызстан Кызыл Жарым Ай Коому жана KICB Каракол шаарындагы мектеп-интернатта ремонт жүргүздү
KICB Кыргыз Республикасынын Улуттук Кызыл Жарым Ай Коому менен өнөктөштүктө маанилүү социалдык долбоорду ишке ашырды - Каракол шаарындагы Т. Сатылганов атындагы мектеп-интернаттагы душ бөлмөлөрү жана санитардык блок капиталдык ремонттон өткөрүлдү. Иш-чараны ишке ашыруу үчүн банк 10 миң АКШ долларын бөлүп, каражатты тарбиялануучулар үчүн коопсуз жана гигиеналык шарттарды түзүүгө багыттады. 1963-жылы курулган бул мекеме көп жылдан бери ашыкча жүктөм менен иштеп келет: жатаканада 200 орунга эсептелгени менен 280 бала жашайт; окуу корпусу 600 окуучуга ылайыкташкан, бирок азыркы учурда 800 бала билим алууда; класстар жетишсиз болгондуктан, жатакананын айрым бөлмөлөрү окуу аудиторияларына айландырылган.
Бул демилге тарбиялануучулардын күнүмдүк жашоо шарттарын жакшыртууга, аларды татыктуу, санитардык жана коопсуз чөйрө менен камсыз кылууга багытталган. Душ бөлмөлөрүн жаңылоо - бул жөн гана ремонт эмес, балдардын жашоо сапатын жакшыртуу, алардын ден соолугуна кам көрүү жана банктын социалдык милдеттенмелерге берилгендигинин далили.
Долбоор KICBдин ESG-саясатына толук шайкеш келет. Ал туруктуу өнүгүүгө жана бардык балдар үчүн бирдей шарттарды камсыз кылууга багытталган. Мындай колдоо банктын социалдык инфраструктураны өнүктүрүүгө жана келечек муундардын жыргалчылыгына кошкон системалуу салымын көрсөтөт.
Буга чейин KICB жана Кыргызстандын Кызыл Жармагы Ноокат районундагы М. Гапаров атындагы гимназия-интернаттын ашканасын жаңыртуу боюнча да биргелешкен долбоорду ишке ашырып, 420 таланттуу окуучу үчүн ыңгайлуу шарттарды түзүшкөн. Бул тажрыйба банктын социалдык инфраструктураны өнүктүрүүгө болгон туруктуу жана ырааттуу мамилесин дагы бир жолу тастыктайт.